2013 豬籠草 出殼篇

哈哈~ 等左 67日 (兩個月多D) 豬籠草 終於出世啦~

7月17日：開始出殼~中午12:00 蛋的底部裂縫有蛋汁流出



超低清 影片：

13:25 龜B伸左隻手仔出殼, 數到有4隻手指^O^


13:43 縮左隻手仔入去, 但係伸左少少頭仔出黎, 見到蛋牙

媽媽白板 & 爸爸黑仔 睇龜B相:

見到隻龜B 突出左個頭仔, 帶埋爸爸媽媽去睇下佢先~
媽媽白板 搏命伸長條頸去聞龜B~
媽媽白板的自家龜成員介紹
爸爸黑仔 起勢咁伸個頭去聞龜B~爸爸黑仔的自家龜成員介紹

7月18日：全日都留係蛋殼入面一大朝早伸長隻手仔出黎, 個頭仔又淨得露隻蛋牙出黎


蛋殼上方拍攝, 見到隻手有D白色既紋, 直頭係一隻草龜手



隻草B移個頭既方向對正我既方向, 真係一隻八卦龜~


7月19日：這小伙子真可惡, 搞個半夜2:18分左右出殼, 欠打嗎? 阻住我去訓教

大家係咪緊張左好耐呢一出殼, 個PAT 對住我


留意有條絲連住隻龜, 好嘔心, 成陣腥味


睇到個殼啦~ 之前仲諗龜B會唔會遺傳到媽媽白板既錯甲, 睇過之后好靚仔/囡, 全身黑麻麻~

匿埋一邊伸懶腰~ 擰咩面~ 隻蛋牙仲係度~


睇下底板點先~ 哇...仲未收肚臍, 你仲咩咁快出黎呀~
好担心佢個肚臍會感染發炎
底板似爸爸黑仔多D, 一D都唔似白板BB果時~
想睇番白板BB果時底板, 可以睇番 草草成長錄2008,
以前已經分享過~ 白板正如其名佢底板係白色佔多, 係咪一D都唔似尼~


之后諗起, 想記低龜龜大小, 因為佢太活躍四圍騰, 費事用尺度,
求其拎左D銀仔對比下, 似乎同5毫子差唔多~


打算繼續用E個箱養住先, 收左肚臍先用番之前想用果個高低箱~


跟住, E隻野繼續四圍騰, 一D都唔怕人, 勁活躍
响度跳舞咁, 又係度玩尾仔, 又爬高高~
真係担心佢咁玩法會唔會斷尾

一陣就坐左係度 唔通隻腳仔軟


條尾屈到就快90度

變左蜘蛛俠~~ 黏左係個邊十零廿秒唔郁~


定左一陣間, 真係全身都黑麻麻, 好鬼似爸爸黑仔BB果時


又玩咩呀, 舉高腳痾尿????仲要HOLD左十秒左右~


之后行左去讀字典, 咁快就想去讀書


E張睇清個頭紋, 我覺得似媽媽白板, 粗線條一D


扮青蛙????


又痴左埋牆, 又想扮蜘蛛俠 個肚臍咁HI法, 好担心會磨損
豬籠草, 你唔好咁嚇我好無~

最后 拎起 豬籠草 訓左69日既屋企, 笠黏黏, 成陣腥味, 勁嘔心
點解 豬籠草可以响裏面咁耐==!


補番磅重: 重5g

整體黎講, 我覺得佢既性格, 外貌, 底板 都好似佢爸爸黑仔, 只有頭紋似媽媽白板,
我諗好大機會係囝囝~ 一D都唔怕人, 勁痴人,

勁活躍, 已經係箱入面成日爬上爬落, 爬到PAN PAN聲, 翻天覆地~
佢直頭當左我係佢阿媽咁, 成日走過黎望住我, 勁Q

估唔到E隻蛋B 比果隻蛋A更早出世, 其實 蛋B 比 蛋A 遲5分鐘左右由母體排出~

隻蛋A 仲未有出殼蹟象, 尋日照燈見到佢郁, 希望大家為佢打打氣, 加加油

---

另外, 在此多謝各位一直以來既支持, 大家一齊見證左咁重要既一刻~

由收蛋開始孵化至出殼, 體驗生命既奧秘, 生命是得來不易~

希望大家更珍惜牠們寶貴的生命~

---

再附上 超低清 出殼影片:

謝謝耐心觀賞~~

想睇番孵化時既相片同影片, 可以CLCK番以下網頁:
2013 白板 龜蛋孵化記錄2